लोकवृत्त न्यूज
गडचिरोली दि.25ऑगस्ट:- स्वातंत्र्याच्या अमृत महोत्सवाच्या निमित्याने गडचिरोली जिल्हा पोलीस दलाच्या वतीने मा. पोलीस अधीक्षक अंकित गोयल सा. यांच्या मार्गदर्शनाखाली सुरू असलेल्या “पोलीस दादालोरा खिडकी” चे माध्यमातुन, गडचिरोली जिल्हयातील नागरिकांचे जीवनमान उंचावण्याच्या उद्देशाने विविध उपक्रम राबविण्यात येत आहेत. याचाच एक भाग म्हणुन दि. 25/08/2022 रोजी गडचिरोली पोलीस दल व जिल्हाधिकारी कार्यालय, कृषी विज्ञान केंद्र/कृषी तंत्रज्ञान व्यवस्थापन यंत्रणा सोनापूर, गडचिरोेली यांचे संयुक्त विद्यमाने ‘भव्य कृषी मेळावा’ पोलीस मुख्यालय गडचिरोली येथील एकलव्य सभागृह येथे पार पडला.
यावेळी दुर्गम-अतिदुर्गम भागातील 600 शेतकरी उपस्थित होते. 101 बचत गटांना प्रत्येकी एक याप्रमाणे 101 स्प्रेअर पंप, 08 शेतकयांना चिखलणी यंत्र, 225 शेतकयांना प्रत्येकी 10 किलो याप्रमाणे एकुण 2250 किलो धान बियाणे, 10 शेतकयांना प्रत्येकी 10 किलो याप्रमाणे 100 किलो सोयाबिन बियाणे, 100 शेतकयांना प्रत्येकी 10 याप्रमाणे 1000 चिकू, फणस, लिंबु, काजु इ. फळझाड रोपे, 50 शेतकयांना प्रत्येकी 15 याप्रमाणे कुक्कुट पक्षी वाटप करण्यात आले.
याप्रसंगी उपस्थित शेतकयांना मा. जिल्हाधिकारी श्री. संजय मिणा सा. यांनी आपले मार्गदर्शनात सांगितले की, गडचिरोली पोलीस दलाचा पोलीस दादालोरा खिडकी हा उपक्रम कौतुकास्पद असून, आतापर्यंत 2 लाख नागरिकांना शासनाच्या विविध योजनांचा लाभ मिळवून देण्यात यशस्वी झाले आहे. त्यामुळे गडचिरोली पोलीस दलाचे जिल्ह्राच्या विकासात भरीव योगदान मिळालेले आहे. जिल्ह्रातील नागरिकांनी पोलीस दादालोरा खिडकी अंतर्गत योजनांचा लाभ घेवून आत्मनिर्भर व्हावे असे सांगितले तसेच मा. पोलीस अधीक्षक श्री. अंकित गोयल सा. यांनी गडचिरोली जिल्हयातील शेतकरी व इतर जनतेनी गडचिरोली पोलीस दलाच्या विविध उपक्रमाचा लाभ घेवुन आपले जीवनमान उंचवावे असे आवाहन केले तसेच नक्षलवाद्यांच्या खोट¬ा चळवळीला बळी न पडता गडचिरोली पोलीस दलाच्या सहकार्याने जिल्हयाचा विकास साधावा. गडचिरोली जिल्हयातील जनतेच्या विकासासाठी सर्वतोपरी मदत केली जाईल असे सांगितले.
यावेळी कृषी मेळाव्यास मा. जिल्हाधिकारी संजय मिणा सा., मा. पोलीस अधीक्षक अंकित गोयल साो., मा. अपर पोलीस अधीक्षक (प्रशासन) समीर शेख सा., मा. अपर पोलीस अधीक्षक (अभियान) सोमय मुंडे सा., मा. अपर पोलीस अधीक्षक, अहेरी अनुज तारे तसेच कृषी विज्ञान केंद्र व कृषी तंत्रज्ञान व्यवस्थापन यंत्रणा सोनापूर, विषय विशेषतज्ञ (पशुसंवर्धन व दुग्धशाळा) श्री. विक्रम कदम, विषय विशेषतज्ञ (कृषी हवामान शास्त्र) मा. बुध्दावार, कृषी अधिकारी कार्यालय, गडचिरोली श्रीमती शितल खोबरागडे हे उपस्थित होते.
सदर कार्यक्रमाच्या यशस्वीतेसाठी सर्व उपविभागीय पोलीस अधिकारी तसेच सर्व प्रभारी अधिकारी पोस्टे/उपपोस्टे/पोमकें व नागरी कृती शाखेचे प्रभारी अधिकारी श्री. महादेव शेलार व अंमलदार यांनी अथक परिश्रम घेतले.
