– तेलंगणा राज्यातील मुलुगु येथे भूकंपाचा केंद्रबिंदू, ५.३ रिष्टर स्केलवर तिव्रतेची नोंद
लोकवृत्त न्यूज
गडचिरोली दि. ०४ डिसेंबर : सकाळच्या सुमारास अचानक घर हादरायला लागलं आणि पाहता पाहता आजूबाजूच्या घरातूनही आवाज यायला लागला घर हादरत आहे आणि परिसरात भूंकपाचे धक्के जाणवल्याची चर्चा सुरु झालेल्या नागरिकांमध्ये भीतीचे वातावरण पसरले. आज ४ डिसेंबर रोजी सकाळी ७ वाजून २७ मिनिटांनी तेलंगणा राज्यातील मुलुगु येथे भूकंप झाला आहे. याचे सौम्य धक्के गडचिरोली जिल्ह्यात जाणवले आहे. या भूकंपची तीव्रता रिष्टर स्केल वर ५.३ अशी नोंदविण्यात आलेली आहे.
दरम्यान जिल्हाधिकारी संजय दैने यांनी अशा प्रकारचे धक्के पुन्हा जाणवल्यास नागरिकांनी दक्षता घ्यावी व घाबरून न जाता इमारती बाहेर मोकळ्या जागेत सुरक्षित स्थळी आश्रय घ्यावा असे आवाहन केले आहे.
