– डोळ्यासमोर दिसूनही कोणतीही कारवाई नाही,
लोकवृत्त न्यूज
गडचिरोली दि. १६ :- पोलिस अधीक्षक निलोत्पल यांनी भारतीय नागरिक सुरक्षा संहिता २०२३ च्या कलम १६३(१) अंतर्गत गणेशोत्सव मिरवणूक आणि ईद-ए-मिलाद सणाच्या मिरवणुकींमध्ये शांतता व सुव्यवस्था राखण्यासाठी आणि संभाव्य अपघात टाळण्यासाठी लेझर लाईटच्या वापरावर पूर्णपणे बंदी घालण्यात होती मात्र हा आदेश केवळ देखावा असल्याचे निदर्शनास येत असून पोलिस अधीक्षकांच्या आदेशाला तिलांजली देत लेझर लाईटचा सर्रास वापर होत असल्याचे दिसून आले.
मागील वर्षी कोल्हापूरमध्ये लेझर लाईटमुळे डोळ्यांना झालेल्या दुखापती आणि यवतमाळ येथे धार्मिक तेढ निर्माण झालेल्या घटनांमुळे हा निर्णय घेण्यात आला असल्याचे समजते तर आदेशाचे उल्लंघन करणाऱ्यांवर फौजदारी कारवाई केली जाईल, असेही आदेशात नमुद करण्यात आले आहे. मात्र सर्रासपणे मिरवणुकीत लेझर लाईटचा वापर होत असताना पोलिस विभाग डोळेझाक करीत असल्याचे दिसते त्यामुळे ते आदेश केवळ देखावा असल्याचे जाणकारांकडून बोलल्या जात आहे.
दरम्यान आता पुन्हा सदर आदेश देण्यात आला असून आगामी मस्कऱ्या गणेशोत्सव मिरवणूक आणि ईद-ए-मिलाद सणाच्या मिरवणुकींमध्ये शांतता व सुव्यवस्था राखण्यासाठी आणि संभाव्य अपघात टाळण्यासाठी १६ ते २० सप्टेंबर २०२५ या कालावधीत लेझर लाईटच्या वापरावर पूर्णपणे बंदी घालण्यात आली आहे. आता पुढे होणाऱ्या मिरवणुकीत लेझर लाईट निदर्शनास आल्यास कारवाई होते किंवा नाही याकडे लक्ष लागले आहे.
#Lokvruttnews #Lokvrutt_News @lokvruttnews @LOKVRUTT.COM
#Gadchiroli #LaserLightBan #SPOrder #GaneshFestival2025 #EidEMilad #LawAndOrder #PublicSafety #BanViolation #CriminalAction #ProcessionControl
