लोकवृत्त न्यूज
गडचिरोली 1 नोव्हेंबर: गडचिरोली जिल्ह्यातील शेतकऱ्यांची आर्थिक उन्नती व्हावी या उद्देशाने गडचिरोली “पोलीस दादालोरा खिडकी” चे माध्यमातुन, गडचिरोली जिल्हयातील जनतेचे जीवनमान उंचावण्याचे उद्देशाने विविध उपक्रम राबविण्यात येत आहेत. याचाच एक भाग म्हणुन मा. पोलीस अधीक्षक, गडचिरोली नीलोत्पल सा. यांचे मागदर्शनाखाली गडचिरोली जिल्ह्यातील नक्षलग्रस्त क्षेत्रातील शेतकऱ्यांना अत्याधुनिक पद्धतीने भाजीपाला लागवड प्रशिक्षण देवुन त्यांना विविध प्रकारचे कृषी साहीत्य तसेच कृषी बि-बियाणे वाटप करण्याकरीता दि. ०१/११/२०२२ रोजी “भाजीपाला लागवड प्रशिक्षण व साहीत्य वाटप” मेळाव्याचे आयोजन पोलीस मुख्यालय परिसरातील एकलव्य धाम येथे करण्यात आले.
गडचिरोली पोलीस दल व केंद्र / कृषी तंत्रज्ञान व्यवस्थापन यंत्रणा (आत्मा) सोनापूर यांचे संयुक्त विद्यमाने आयोजित केलेल्या या प्रशिक्षण मेळाव्यास नक्षलग्रस्त भागातील एकुण ३०० शेतकऱ्यांनी सहभाग नोंदवला. भाजीपाला लागवड प्रशिक्षण व साहीत्य वाटप मेळाव्यात उपस्थित सर्व शेतकऱ्यांना मा. पोलीस अधीक्षक नीलोत्पल यांनी आपल्या मार्गदर्शनात गडचिरोली जिल्हयातील बेरोजगार युवक-युवतीं, शेतकरी व इतर जनतेनी गडचिरोली पोलीस दलाच्या या उपक्रमाचा लाभ घेवून आपले जीवनमान उंचवावे असे आवाहन केले, तसेच गडचिरोली जिल्ह्यातील शेतकऱ्यांनी अत्याधुनिक शेतीचे ज्ञान घेऊन व दर्जेदार पद्धतींचा अवलंब करुन व त्याबाबतची सर्व माहीती संकलीत करुन आपला विकास करावा, यासाठी गडचिरोली जिल्हयातील जनतेच्या विकासासाठी सर्वतोपरी मदत केली जाईल असे सांगितले. तसेच नक्षलवाद्यांच्या खोट्या चळवळीला बळी न पडता गडचिरोली पोलीस दलाच्या सहकार्याने स्वतःचा व जिल्हयाचा विकास साधावा.
यावेळी सदरच्या मेळाव्यात मा. पोलीस अधीक्षक, गडचिरोली नीलोत्पल सा., मा. अपर पोलीस अधीक्षक, अनुज तारे सा, तसेच संचालक, केंद्रीय लिंबु वर्गीय फळ संशोधन केंद्र, नागपूर डॉ. दिलीप घोष, कार्यक्रम समन्वयक कृषी विज्ञान केंद्र गडचिरोली मा.संदीप कराळे, मा. डॉ. आशुतोष मुरकुटे, प्रमुख शास्त्रज्ञ, मा. डॉ. नरेश मेश्राम, शास्त्रज्ञ, केंद्रीय लिंबुवर्गीय फळ संशोधन केंद्र, नागपूर, हे उपस्थित होते. सदर कार्यक्रमाच्या यशस्वीतेसाठी गडचिरोली जिल्ह्यातील सर्व उपविभागीय पोलीस अधिकारी, सर्व प्रभारी अधिकारी पोस्टे / उपपोस्टे / पोमके तसेच नागरी कृती शाखेचे प्रभारी अधिकारी धनंजय पाटील व अंमलदार यांनी अथक परिश्रम घेतले.
